Hanover, die dorp wat almal ken as die dorp halfpad tussen Johannesburg en Kaapstad, is gevestig op grond wat in 1854 van boer Gous gekoop is. Hy het die plaas verkoop op voorwaarde dat dit Hanover heet, na die geboorteplek van sy Duitse voorvaders. Voldoende water was beskikbaar uit 'n fontein aan die voet van 'n groep heuwels, en die dorp het geleidelik uitgebrei en die middelpunt geword van 'n wêreldbekende merino-skaap gebied. Die kern van die dorp was die NG Kerk. Hanover se eerste landdros, C. R. Beere, het die uitleg van die strate en die plant van peperkorrelbome behartig. Dit het 'n ouwêreldse atmosfeer en 'n interessante geskiedenis. Sy eerste predikant, Burgers, is van dwaalleer beskuldig en was uit die dorp gedryf. Die immer-omstrede Olive Schreiner het van 1906 – 1907 in 'n huisie in Gracestraat gewoon. Die meeste van die historiese huise en sy openbare geboue, soos die sierlike Court House, wat in 1897 gebou is, is goed bewaar. Die sentrale koppie, Trappieskop, so genoem omdat landdros Beere 'n reeks trappies tot bo uitgelê het, bied wonderlike uitsigte.