Blokhuis - Anglo-Boere oorlog

Die Prieska-blokhuis is seskantig struktuur, en die mees noemenswaardige kenmerk is die profiel van sy mure, wat afwaarts verdik tot 'n maksimum van 1,4 m aan die basis. Die ingang is deur 'n lae booggang op grondvlak, wat intern verleng was deur 'n messelwerkonderbou met 'n vertikale skuifdeur aan die binnekant en 'n vierkantige gegalvaniseerde watertenk in die binnekant van die gebou. Die blokhuis het drie skuiwergate in elke muur op 'n hoogte van 2,5 m, wat houtbankies vir toegang noodsaak. Die skuiwergate is ongewoon deurdat dit van plat gegalvaniseerde plaatmetaal gevorm is, wat reguit deur die muur aan 'n houtraam vasgemaak is. 

Deur die jare is die blokhuis gevandaliseer, en in 1997 het die munisipaliteit besluit om dit te restoureer. Gewapen met 'n ou foto uit die boek 'Prieska Kroniek' het hulle probeer om die struktuur te herstel om so na as moontlik aan die oorspronklike te wees. Die struktuur is met ysterklip uit die omgewing gebou. Aandag is geskenk aan die vorm en kleur van die klippe om dit so na as moontlik by die oorspronklike gebou te laat pas. Die dak van die struktuur, sowel as die boonste deel van die skuiwergate, was ook deel van die restourasie. Hulle het ook probeer om die sement wat hul gebruik het so na as moontlik aan die oorspronklik te kry.

Die blokhuis staan op 'n koppie in die Koppie Natuurreservaat. Met sy 360°-uitsig is hierdie heuwel die ideale uitkykpunt.